«Қазақстанның тұрғын үй құрылыс жинақ банкі» АҚ конкурстық негізде штаттан тыс қызметкерлер- кеңесшілерге қабылдау жүргізетінін хабарлайды. Егер сіз коммуникабельді тұлға болсаңыз, өз ойыңызды айқын айта білсеңіз, қаржылық қызметтер жүйесінде жұмыс тәжірбиеңіз болса, онда сіз біздің әріптесіміз бола аласыз. Сіз өзіңіздің негзгі қызметіңізден қол үзбей, біздің банктің өнімдерін сату жолымен бізбен бірлесіп жұмыс істей аласыз.        

      Сіздерді қызықтыратын барлық мәселе бойынша жауапты мына мекенжайдан ала аласыздар: Алматы қ., Абылай хан даңғ., 91 (Қазыбек би көш. қиыл.), 279 2555, 279 3511 (іш.116, 134).

Агенттерге қойылатын талаптар

Агенттік қызметтерді жүзеге асырғысы келетін жеке тұлғалар төменде көрсетілген талаптарға сай болуы тиіс:

• орта арнаулы және/немесе жоғары/аяқталмаған жоғары білім (ЖОО-ның 3-ші курсынан бастап студенттерге);
• өтелмеген және ақталмаған соттылығының болмауы;
• адал болу, тіл табыса білу;
• жігерлі, жылдам болу;
• ақпаратты ұғынықты және түсінікті баяндай білу;
• кәсіпкерлік қызметпен айналыспау;
• қаржы ұйымдарында, жарнама қызметінде, маркетингте және т.б. жұмыс тәжірибесінің болғаны дұрыс.

Агенттік қызметтерді жүзеге асырғысы келетін жеке тұлғаларға қажет құжаттар тізбесі:

• жеке куәлігінің (төлқұжатының) көшірмесі (түпнұсқасымен салыстырылады);
• 1 фотосурет (3х4);
• ӘЖК және СТН беру туралы куәліктерінің көшірмесі (түпнұсқасымен салыстырылады);
• тұрғылықты жері бойынша аймақтық салық комитеті беретін Кандидаттың жеке кәсіпкер ретінде тіркелмегенін растайтын құжат (анықтама);
• оқу орнынан анықтама (ЖОО-ның 3-ші курсынан бастап студенттерге);
• штаттан тыс агенттің сауалнамасы ( Ереженің №2-қосымшасы.
  Штаттан тыс Агентінің сауалнамасы);
• банктік деректемелері көрсетілген агент қызметтерінің ақысын карточкалық шотқа аудару туралы өтініш ( Ереженің №3-қосымшасы.Өтініш);
• өтелмеген және ақталмаған соттылығының болмауы туралы анықтама;

Сондай-ақ қажеттілігіне қарай басқа да құжаттар.

Агенттерді оқыту

Банктің сатуды қолдау бөлімі айына 2 рет (айдың әрбір екінші және төртінші аптасының бейсенбі күндері) сынақ әңгімеден өткен Кандидаттарды оқытады. Оқыту барысында тұрғын үй құрылыс жинақ жүйесі, Банктің тарифтік бағдарламалары, олардың жасалу тәртібі, жинақтау кестесін есептеу, Банктің әлеуетті клиенттерімен жұмыс  істеу дағдылары және басқа да қажет мәселелер таныстырылады.